Inaam Azmi: جو بنا دیتی ہے تقدیر بنے رہتے ہو

Monday, January 29, 2024

جو بنا دیتی ہے تقدیر بنے رہتے ہو

جو بنا دیتی ہے تقدیر بنے رہتے ہو

کبھی کابل کبھی کشمیر بنے رہتے ہو

کس کے قیدی ہو کو ڈرتے ہو رہائی سے تم

خود ہی اپنے لیے زنجیر بنے رہتے ہو

کون سا غم ہے جو دیوار سے لگ جاتے ہو

کون سا دکھ ہے جو تصویر بنے رہتے ہو

کس حقیقت سے سدا بھاگتے رہتے ہو تم

اور کس خواب کی تعبیر بنے رہتے ہو

No comments:

Post a Comment

Subscribe to: Post Comments (Atom)