Nazm "Hamko Azadi leni Hai"

Hamko Azadi leni hai
Hamko Azadi leni hai

Jo mulk ka sauda karte hain
qanoon ko andha karte hain
aurat ko nanga karte hain
bharat ko ruswa karte hain
un choron se,makkaron se
har zulm ke thekedaron se
Hamko Azadi leni hai

Jo izzat ko neelam kare
jo sirf ghinauna kaam kare
har shakhs jo amn ka dushman ho
har shakhs jo qatle aam kare
ab aisi har bimari se
mazhab ke har bewpari se
Hamko Azadi leni hai

Jo khoon ki holi khelte hain
Nafrat ki boli bolte hain
jo Hindu Muslim kar-kar ke
Bas zahr fiza mein gholte hain
dahshat failane walon se
danga karwane walon se
Hamko Azadi leni hai

Jo ilm na hasil karne de
jo sidhi raah na chalne de
jo hamko begaana samjhe
iss mulk mein jo na rahne de
bajrangi se aur sanghi se
majboori se aur tangi se
Hamko Azadi leni hai

Jo jang ke haami hote hain
woh log haraami hote hain
jo nafrat ko failaate hain
dil unke juzami hote hain
Qatil se aur gaddaron se
insaaf ke pahredaaron se
Hamko Azadi leni hai
Hamko Azadi leni hai

Inaam Azmi