نظم

*تو مرشد تو ہی دلدار*
*او سائیں او سوہنے یار*
یار بنا جینا کیا جینا
چاک ہوا جائے ہے سینہ
ڈوب نہ جائے اپنا سفینہ
*تو چاہے تو بیڑا پار*
*او سائیں او سوہنے یار*
ہر دم مورا دل گھبراوے
اک پل بھی اب چین نہ آوے
مینوں تیرا ہجر ستاوے
*بس تیری قربت درکار*
*او سائیں او سوہنے یار*
دید کو ترسوں ساجن میرے
تجھ کو سوچوں سانجھ سویرے
جوگی بن گیا عشق میں تیرے
*کرپا کر میرے سرکار*
*او سائیں او سوہنے یار*
پریتم پیارے آ بھی جارے
نینن تیری راہ نہارے
ٹوٹ نہ جائیں خواب ہمارے
*آ بھی جا میرے سردار*
*او سائیں او سوہنے یار*