امجد صابری کی یاد میں
کرم مانگتا تھا عطا مانگتا تھا
وہ رحمت کی ہر سو گھٹا مانگتا تھا
خدا سے خدا کی رضا مانگتا تھا
وہ بس دامن مصطفٰے مانگتا تھا
اندھیروں میں بدرالدجٰی مانگتا تھا
وہ جب مانگتا تھا بھلا مانگتا تھا
نہ شہرت کی خواہش نہ دولت لالچ
رحیمی کا صدقہ سدا مانگتا تھا
وہ ہاتھوں کو اپنے اٹھاکر ہمیشہ
مریضوں کی خاطر شفا مانگتا تھا
بلاؤں سے ہم کو سدا دور رکھنا
یہی اپنے رب سے دعا مانگتا تھا
کیا کس لئے قتل امجد کا تم نے
ارے قاتلوں تم سے کیا مانگتا تھا
انعام عازمی
گرے گی سر سے تو پگڑی نہیں اٹھاؤں گا
میں جھک کے چیز کوئی بھی نہیں اٹھاؤں گا
میں جانتا ہوں قبیلے میں سب منافق ہیں
سو میں کسی پہ بھی انگلی نہیں اٹھاؤں گا
مری انا بھی اجازت مجھے اگر دے دے
ضمیر بیچ کے کچھ بھی نہیں اٹھاؤں گا
قبیلہ عشق کے حاکم سے جاکے کہہ دو یہ
میں اس کے پاپ گٹھری نہیں اٹھاؤں گا
میں اپنے شبد سے دشمن کی جان لے لوں گا
میں اپنے ہاتھ میں برچھی نہیں اٹھاؤں گا
میں خوش ہوں اس کی ودائی پہ اور دعا گو ہوں
مگر میں یار کی ڈولی نہیں اٹھاؤں گا
مجھے امیر بنایا گیا ہے قافلہ کا
میں تیز دھوپ میں چھتری نہیں اٹھاؤں گا
جو دیکھنا ہے اسے سامنے سے دیکھوں گا
نظر کسی پہ بھی ترچھی نہیں اٹھاؤں گا
انعام عازمی
زخمی ہے روح آنکھوں میں پانی ابھی بھی ہے
جو کچھ نہیں ہے اس کی نشانی ابھی بھی ہے
زندہ نہیں ہوں زندگی پھر بھی ہے ساتھ ساتھ
کردار مر گیا ہے کہانی ابھی بھی ہے
اک شخص آگیا ہے نیا ہم کو اس سے کیا
کمرے میں ساری چیز پرانی ابھی بھی ہے
امید کی لکیر سبھی مٹ گئی مگر
دل اس کے انتظار میں جانی ابھی بھی ہے
بارات وحشتوں کی بھلا کیسے پار جائے
دریائے ذہن و فکر میں پانی ابھی بھی ہے
ہے داستان عشق یہی مختصر انعام
راجا کا قتل ہو گیا رانی ابھی بھی ہے
انعام
ﻣﺮﻧﮯ ﮐﺎ ﺍﻧﺘﻈﺎﺭ ﮨﮯ ﺳﺐ ﮐﻮ ﺍﺑﮭﯽ ﺳﮯ ﮐﯿﺎ؟
ﺑﯿﺰﺍﺭ ﮨﻮ ﮔﺌﮯ ﮨﯿﮟ ﺳﺒﮭﯽ ﺯﻧﺪﮔﯽ ﺳﮯ ﮐﯿﺎ؟
ﮐﺮﺩﺍﺭ ﻣﺮ ﮔﯿﺎ ﮨﮯ ﮐﮩﺎﻧﯽ ﻣﯿﮟ ﺟﺐ ﻣﺮﺍ
ﻣﻄﻠﺐ ﻣﺠﮭﮯ ﺍﮮ ﺩﻭﺳﺖ ﻣﺮﮮ ﺍﺏ ﮐﺴﯽ ﺳﮯ ﮐﯿﺎ
ﺍﺷﮑﻮﮞ ﭘﮧ ﮐﯿﻮﮞ ﺳﻮﺍﻝ ﺍﭨﮭﺎﻧﮯ ﻟﮕﮯ ﮨﯿﮟ ﻟﻮﮒ
ﺑﭽﮭﮍﮮ ﮔﺎ ﮐﻮﺋﯽ ﺷﺨﺺ ﺑﮩﺖ ﮨﯽ ﺧﻮﺷﯽ ﺳﮯ ﮐﯿﺎ؟
ﮐﻞ ﺷﺐ ﮨﻮﺍ ﭼﺮﺍﻍ ﺳﮯ ﯾﮧ ﮐﮩﮧ ﺭﮨﯽ ﺗﮭﯽ ﮐﯿﻮﮞ
ﺳﻮﺋﮯ ﮨﻮﺋﮯ ﮨﯿﮟ ﻟﻮﮒ ﺍﻧﮩﯿﮟ ﺭﻭﺷﻨﯽ ﺳﮯ ﮐﯿﺎ
ﺍﮌﻧﮯ ﻟﮕﯽ ﮨﮯ ﺩﮬﻮﻝ ﺧﯿﺎﻟﻮﮞ ﮐﮯ ﺷﮩﺮ ﻣﯿﮟ
ﮔﺰﺭﺍ ﮨﮯ ﮐﻮﺋﯽ ﻗﺎﻓﻠﮧ ﺩﻝ ﮐﯽ ﮔﻠﯽ ﺳﮯ ﮐﯿﺎ
ﮐﺮﻧﮯ ﻟﮕﺎ ﮨﮯ ﺁﺋﯿﻨﮧ ﻣﯿﺮﯼ ﻣﺨﺎﻟﻔﺖ
ﺧﻄﺮﮦ ﮨﮯ ﻣﺠﮭﮑﻮ ﯾﺎﺭ ﻣﺮﯼ ﺫﺍﺕ ﮨﯽ ﺳﮯ ﮐﯿﺎ
ﭼﮭﺎﺋﯽ ﮨﻮﺋﯽ ﮨﮯ ﻏﻢ ﮐﯽ ﮔﮭﭩﺎ ﭼﺎﺭ ﺳﻮ ﺍﻧﻌﺎﻡ
ﮐﯿﺎ ﭼﺎﻧﺪ ﺳﮯ ﮔﻠﮧ ﮐﺮﯾﮟ ﺍﻭﺭ ﭼﺎﻧﺪﻧﯽ ﺳﮯ ﮐﯿﺎ
ﺍﻧﻌﺎﻡ ﻋﺎﺯﻣﯽ
دل ہے اسیر یاس کہاں جائیں بولیے
ہے روح بھی اداس کہاں جائیں بولئے
اس شہر نامراد سے رخصت ہوا ہے جو
تھا زندگی کی آس,کہاں جائیں بولیے
پہلے ہم اس کی یاد سے کرتے تھے گفتگو
وہ بھی نہیں ہے پاس کہاں جائیں بولیے
دل تو فراق یار میں مرنے کو ہے بضد
ہے کون غم شناس کہاں جائیں بولیے
آئے گی پھر بہار چمن میں خزاں کے بعد
یہ ہے محض قیاس کہاں جائیں بولیے
صحرا میں لا کے چھوڑ گئی زندگی ہمیں
ہے مدتوں کی پیاس کہاں جائیں بولیے
یادوں کی تیز دھوپ ہے ہر سمت شہر میں
ہے زخم بے لباس کہاں جائیں بولیے
ہر گھڑی کی ہے خودکشی میں نے
یوں گزاری ہے زندگی میں نے
وہ مرے ساتھ تھا مگر اس کی
خوب محسوس کی کمی میں نے
کیسے منسوب ہو گئی مجھ سے
بات وہ جو نہیں کہی میں نے
ہو کے خاموش سارے لوگوں کی
بند کر دی تھی بولتی میں نے
آج پھر تیری یاد آئی ہے
آج پھر اپنی جان لی میں نے
نام جس میں لکھا ہوا تھا ترا
پھاڑ دی ہے وہ ڈائری میں نے
ہے تعجب کہ اس سے ہو کے جدا
ایک سگریٹ بھی نہ پی میں نے
انعام عازمی
نہ جانے کس طرف ہم جا رہے ہیں
ہمیں سب دیکھ کر گھبرا رہے ہیں
بلندی کا نشہ جن کو چرھا تھا
وہ سارے لوگ نیچے آ رہے ہیں
چمن کس کے حوالے کر دیا ہے
جو سارے پھول اب مرجھا رہے ہیں
ہماری قوم اندھی ہو گئی ہے
تو ہم کیوں آئینہ دکھلا رہے ہیں
تو میرے شہر آیا ہے جب سے
سہانے خواب سب کو آ رہے ہیں
کہاں لے آئی ہے اے زندگی تو
ہم اپنی ذات سے ٹکڑا رہے ہیں
ہر سو ہے بس ایک صدا ہم ہار گئے
ایسا آخر جانے کیا ہم ہار گئے
اس کو خوش کرنے کی خاطر ہی اس سے
جنگ لڑی اور مان لیا ہم ہار گئے
بول رہا تھا اس سے میں خوش رہنا تم
پوچھ رہی تھی پاگل,کیا ہم ہار گئے
یادوں کے کھنڈر سے اب بھی راتوں کو
آتی ہے غمگین صدا ہم ہار گئے
جنگ انا کی جیت گئے دونوں لیکن
دونوں نے ہر بار کہا ہم ہار گئے
جانی بس اک شخص کو پانے کی خاطر
کیا بتلائیں کیا سے کیا ہم ہار گے
پتھر کے سب لوگ تھے اس کی بستی میں
دل شیشہ تھا ٹوٹ گیا ہم ہار گئے
آتی ہے اب کدھر سے ہوا ہم کو اس سے کیا
کیوں بجھ گیا چراغ وفا ہم کو اس سے کیا
تم کو خوشی سے واسطہ ہے اے مرے عزیز
ہم ہیں اسیر رنج و بلا ہم کو اس سے کیا
جب ہم نے دی صدا تو رکا ہی نہیں کوئی
اب دے رہا ہے کون صدا ہم کو اس سے کیا
اس شہر حادثات میں جینا کمال ہے
کیوں چاک ہو گئی ہے قبا ہم کو اس سے کیا
اب وہ بھی وہ نہیں رہا نہ ہم ہی ہم رہے
رشتہ جو درمیان میں تھا ہم کو اس سے کیا
جب چارہ گر نہیں رہا اس شہر میں کوئی
کس نے دیا ہے زخم نیا ہم کو اس سے کیا
اب بھی وہ شخص جان سے زیادہ عزیز ہے
گو لاکھ ہم لگائیں صدا "ہم کو اس سے کیا"
انعام عازمی
