غزل
ہم نے پلکوں پہ کبھی غم کی نمائش نہیں کی
درد میں ڈوبے رہے ہجر کی خواہش نہیں کی
دل کی بستی میں رہا غم کا بسیرا ہر دم
میرے قسمت کے ستاروں نے بھی گردش نہیں کی
خواب سب ڈوب گئے درد کی برساتوں میں
کون کہتا ہے مری آنکھوں نے بارش نہیں کی
مجھ سے کہتا تھا مرا ساتھ نبھائے گا وہ
ٹوٹ جانے پہ بھی کم بخت نے پرشش نہیں کی
غم کے صحرا میں بھٹکتے رہے تا عمر مگر
منصف وقت سے کوئی بھی گزارش نہیں کی
ہم اگر چاہتے ہر فاصلہ مٹ سکتا تھا
وہ بھی آگے نہ بڑھا میں نے بھی کوشش نہیں کی
انعام
زندگی تونے عجب رہ سے گزارا ہے مجھے
اب فقط درد ہی جینے کا سہارا ہے مجھے
پھر مرے دل میں کسی درد نے انگڑائی لی
پھر کسی شخص نے ماضی سے پکارا ہے مجھے
یاں سبھی لوگ کسی اور قبیلے کے ہیں
میرے معبود کہاں تونے اتارا ہے مجھے
جو مقدر کا ستارا تھا مرے,ٹوٹ گیا
"اب مری آنکھ کا آنسو ہی ستارا ہے مجھے"
بس یہی فرق ہے ہم دونوں میں اے دوست مرے
میں جیا ہوں اسے اور اس نے گزارا ہے مجھے
دشمن جاں نے بہت زخم دئے ہیں لیکن
چارہ گر تیری مسیحائی نے مارا ہے مجھے
اب نہیں وصل کی خواہش مرے ٹوٹے دل کو
اب ترا ہجر مری جان گوارا ہے مجھے
چلوں تو راستہ مانگوں گروں تو آسرا مانگوں
مسافر ہوں بھلا اس کے سوا میں اور کیا مانگوں
جسے جو چاہئے ہوتا ہے تو وہ بخش دیتا ہے
مرے بارے میں تو سب جانتا ہے تجھ سے کیا مانگوں
اداسی چیختی ہے رات دن دل کے محلے میں
اندھیرا چار سو پھیلا ہے میں کس سے دیا مانگوں
مقدر میں لکھا ہوگا تو مجھ کو مل ہی جائے گا
میں کیوں اک شخص کو اپنی دعا میں با رہا مانگوں
مجھے تم سے محبت ہے مگر جی چاہتا ہے اب
میں تم کو بھول جاؤں رب سے کوئی دوسرا مانگوں
انعام
कविता
एक तस्वीर जो वर्षों पहले मैने
अपने कमरे की दीवार पे टांगी थी
सोच रहा हुं उसको आँखें दान करूँ
ताकि वो सब देख सके
कैसे ग़म के साए खिरकी से अन्दर आते हैं
कैसे दीवारों पर दूख उगते है
कैसे मैं
उसकी याद में हर लम्हा,अपने अनदर मरता रहती हूँ
कैसे सूबह से शाम तलक
मैं अपने बिखरे ख्वाबों की ताबीरें पढता रहता हूँ
कैसे उम्मीदों का एक दिया
इस कमरे के इक त़ाक पे अब भी रौशऩ है
कैसे इस कमरे में सूरज की किरणें आने से कतराती हैं
कैसे इस कमरे के अन्दर यादें बिखरी रहती हैं
मैं जो वर्षों पहले टूट चुका हूँ
कैसै इस कमरे में जिन्दा रहता हूँ
सोच रहा हुं उसको आँखें दान करूँ
ताकि वो सब देख सके
इन्आम आजमी
ندی ,تالاب, پنچھی, پیڑ سارے, سب ہمارے تھے
محبت میں جسے اے دوست ہم اک روز ہارے تھے
وہاں کی بستیوں پہ اب اداسی راج کرتی ہے
بہاریں رقص کرتی تھیں جہاں اچھے نظارے تھے
سہانے وقت کی یادیں مجھے اکثر رلاتی ہیں
بہت پیارے تھے وہ لمحے جنہیں مل کر گزارے تھے
وہ میرے ساتھ تھا لیکن میں اس سے مل نہیں پایا
عجب قسمت تھی ہم دونوں ندی کے دو کنارے تھے
بچھڑنے کا لیا تھا فیصلہ تم نے,کبھی سوچا
ہمارے تم نہ تھے ہمدم مگر ہم تو تمہارے تھے
مجھ سے اب اس کا رابطہ بھی نہیں
جو مری ذات سے جدا بھی نہیں
میں جسے زندگی سمجھتا ہوں میں
میرے بارے میں سوچتا بھی نہیں
وہ مجھے زخم دے رہا ہے مگر
دل کو اس سے کوئی گلہ بھی نہیں
خود کو قربان کر دیا جس پر
وہ مرے حق میں بولتا بھی نہیں
اب تو یہ حال ہو گیا ہے کہ
اپنے ہونے کا واہمہ بھی نہیں
درد سے آشنائی ہو رہی تھی
میری مجھ سے جدائی ہو رہی تھی
رو رہی تھیں تمام دیواریں
جانے کس کی رہائی ہو رہی تھی
میری آنکھوں سے خون گر رہے تھے
چیز اپنی پرائی ہو رہی تھی
میں محبت کی بات کر رہا تھا
اور مری جگ ہنسائی ہو رہی تھی
رو رہے تھے عدو کے مرنے پر
جانے کیسی لڑائی ہو رہی تھی
میں غم دل سنا رہا تھا اور
ہر طرف واہ واہی ہو رہی تھی
انعام
کچھ نہ تھا یقیناً ان ریگزار آنکھوں میں
جب سے اس کو دیکھا ہے,ہے بہار آنکھوں میں
خواب ہو کہ بیداری حال ہے یہی اپنا
کوئی آتا جاتا ہے بار بار آنکھوں میں
مجھ کو ایسا لگتا ہے اب وہ لوٹ آئے گا
اک امید ہے اب بھی بے قرار آنکھوں میں
چاہ دے اگر لوگو وہ تو یہ بھی ممکن ہے
کہ خوشی ٹھہر جائے اشکبار آنکھوں میں
ہائے سادگی اس کی کتنی جان لیوا ہے
لب میں مسکراہٹ ہے اور پیار آنکھوں میں
اس سے کب ملا تھا کچھ پتہ نہیں مجھکو
دل میں نقش ہیں یادیں انتظار آنکھوں میں
اس کی آنکھ میں سچ مچ ہے عجیب سا جادو
اس کو ڈھونڈ سکتا ہوں میں ہزار آنکھوں میں
ہے میری کہانی میں جو کردار تمہارا
دنیا کو بتا دیتا ہے معیار تمہارا
ہم جان رہے ہیں کہ منافق ہے یہاں کون
پر نام نہیں لیں گے مرے یار تمہارا
جس طور بھی چاہو مجھے نیلام کرو تم
یہ لوگ تمہارے ہیں یہ بازار تمہارا
کچھ خواب جو تعبیر کے رستوں پہ کھڑے تھے
وہ ٹوٹ گئے دیکھ کے انکار تمہارا
اے زندگی!!میں ہی تھا محبت کا طرفدار
لو مان لیا میں ہوں گنہگار تمہارا
کیا ہے وجہہ خامشی یہ سب کہاں سمجھیں گے لوگ
ہم نہ بولیں گے تو ہم کو بے زباں سمجھیں گے لوگ
جھوٹ پہ ایمان لاتے جا رہیں جس طرح
وقت آئے گا زمیں کو آسماں سمجھیں گے لوگ
رائیگاں جائیں گی سب قربانیاں اپنی یہاں
دیکھنا اک دن ہمیں کوہ گراں سمجھیں لوگ
آؤ لکھیں نام اپنا وقت کی دیوار پر
ایک دن ہم کو بھی ورنہ بے نشاں سمجھیں گے لوگ
میں صحفیہ عشق کا تم ہو محبت کی کتاب
اپنے سارے لفظ کو وہم و گماں سمجھیں گے لوگ
اے مکین دل ٹھہر,مت کوچ کر اس شہر سے
تیرے جانے سے ہمیں خالی مکاں سمجھیں گے لوگ
تم مرے بارے میں دنیا سے کبھی مت بولنا
تم ہی سوچو!! کیا ادھوری داستاں سمجھیں گے لوگ؟
انعام عازمی
Hamko Azadi leni hai
Hamko Azadi leni hai
Jo mulk ka sauda karte hain
qanoon ko andha karte hain
aurat ko nanga karte hain
bharat ko ruswa karte hain
un choron se,makkaron se
har zulm ke thekedaron se
Hamko Azadi leni hai
Jo izzat ko neelam kare
jo sirf ghinauna kaam kare
har shakhs jo amn ka dushman ho
har shakhs jo qatle aam kare
ab aisi har bimari se
mazhab ke har bewpari se
Hamko Azadi leni hai
Jo khoon ki holi khelte hain
Nafrat ki boli bolte hain
jo Hindu Muslim kar-kar ke
Bas zahr fiza mein gholte hain
dahshat failane walon se
danga karwane walon se
Hamko Azadi leni hai
Jo ilm na hasil karne de
jo sidhi raah na chalne de
jo hamko begaana samjhe
iss mulk mein jo na rahne de
bajrangi se aur sanghi se
majboori se aur tangi se
Hamko Azadi leni hai
Jo jang ke haami hote hain
woh log haraami hote hain
jo nafrat ko failaate hain
dil unke juzami hote hain
Qatil se aur gaddaron se
insaaf ke pahredaaron se
Hamko Azadi leni hai
Hamko Azadi leni hai
Inaam Azmi
