غزل

تم کیا جانو کیا ہوتا ہے
جب کوئی تنہا ہوتا ہے

کھو جاتی ہے اس میں دنیا
جس کا دل دریا ہوتا ہے

خوابوں کی ہے بات نرالی
جو چاہو ویسا ہوتا ہے

میری باتیں کرتا ہے وہ???
کیا اب بھی ایسا ہوتا ہے

خود میں یوں کھویا رہتا ہوں
جیسے اک بچا ہوتا ہے

میں روشن ہوں غیر کی خاطر
جیسے ایک دیا ہوتا ہے

لگتا ہے وہ بالکل ویسا
جیسا اک سپنا ہوتا ہے

ہر چہرے کے اندر یارو
ایک نیا چہرا ہوتا ہے

جو کرتا ہے سچی باتیں
وہ بالکل اپنا ہوتا ہے

میں نے اکثر دیکھا ہے یہ
جو چاہو الٹا ہوتا ہے

سب کو مر جانا ہے اک دن
ہر وعدہ جھوٹا ہوتا ہے

ناممکن ہو جس کو پانا
وہ کتنا اچھا ہوتا ہے

عشق ہوا ہے پھر سے مجھ کو
دیکھو پھر کیا کیا ہوتا ہے

انعام عازمی

غزل

ایک مدت سے ہے یہ دل ناشاد
کوئی آتا رہا ہے اکثر یاد

ایک تعبیر ہو گئی پوری
یعنی اک خواب ہو گیا برباد

اے خدا ہار مان لی میں نے
اب دعا ہے نہ ہے کوئی  فریاد

کوئی ویران کر گیا ایسے
پھر یہ بستی نہیں ہوئی آباد

یہ جو دنیا ہے قید خانہ ہے
جس میں پھرتا ہر کوئی آزاد

عشق ہے درد کی وجہ صاحب
یعنی غم عشق کی ہے اک ایجاد

داستاں ختم ہو گئی,شیریں!!
مر گیا آج آپ کا فرہاد

انعام

غزل

میرے فون میں اک ایسا نمبر بھی ہے
جس سے پہلے روزانہ
شام کا سورج ڈھلتے ہی کال آتا  تھا
پچھلے چند مہینوں سے
اس نمبر سے ایک بھی کال نہیں آیا
اور اب آئے گا بھی نہیں
میں شام کو اپنے کالج سے
جب لوج میں اپنے آتا ہوں
میں  گھنٹوں اس نمبر کو
یوں ہی دیکھتا رہتا ہوں
شاید مجھکو لگتا ہے
اس نمبر سےشاید پھر
کوئی کال آئیگا
اک آواز سنائی دے گی
بیٹا! بولو کیسے ہو ؟
کوئی دقت ہے بیٹا؟ طبیعت کیسی رہتی ہے؟
کھانا ٹھیک سے کھاتے ہو؟
چھٹی میں گھر آ جانا

لیکن اب اس نمبر سے
کوئی کال نہیں آتا
وہ نمبر "ابو جان" کا ہے
روٹھ کے جو اس دنیا سے
تنہا ہم کو چھوڑ گئے

غزل

وہ جو اک حقیقت تھا خواب بن گیا ہے کیا
زندگی میں پھر کوئی حادثہ ہوا ہے کیا

شہر کی فضاؤں میں یہ اداسیاں کیسی
اسکی یاد میں ابتک شہر رو رہا ہے کیا

آجکل میں خود سے بھی دور دور رہتا ہوں
زندگی کا ہر قصہ ختم ہو رہا ہے کیا

سارے خواب آنکھوں سے ہو کے آ گئے باہر
کچھ سمجھ نہیں آتا۔جانے ماجرا ہے کیا

اک عجیب  بے چینی میرے دل میں رہتی ہے
وقت کی ہتھیلی پر حادثہ لکھا ہے کیا

شہر میں کہیں سے بھی اب صدا نہیں آتی
میرا چاہنے والا کوچ کر  گیا ہے کیا

آتے جاتے چہروں کو ایسے دیکھتے کیوں ہو
کوئی بے طرح پھر سے یاد آ رہا ہے کیا

کب تلک رہوگے تم انتظار میں اسکے
جا کے اپنی دنیا میں کوئی لوٹتا ہے کیا

کیوں کلام میں تیرے سوز و ساز ہے انعام
درد کی حدوں کو تو پار کر گیا ہے کیا

انعام عازمی

غزل

اب دئے کو بجھا دیجئے
نام لیکر صدا دیجئے

میرے بارے میں ہے جاننا۔؟
خاک لیکر اڑا دیجئے

پہلے میں زندگی سونپ دوں
شوق سے پھر دغا دیجئے

آپ ہم راز ہیں اس لئے
راز سب کو بتا دیجئے

حادثے اب نہیں ہو رہے
پھر سے کوئی دعا دیجئے

میں بچھڑنے کو تیار  ہوں
مجھکو کو خود سے ملا دیجئے

راحت قلب کے واسطے
نقش ماضی مٹا دیجئے

غزل

ٹل گیا ایک حادثہ پھر سے
یعنی کچھ بھی نہیں ہوا پھر سے

شور کرنے لگی ہے خاموشی
کوئی دینے لگا صدا پھر سے

خود سے بیزار ہو گیا ہوں میں
آ گیا کیسا مرحلہ پھر سے

پھر دعا میں اسی کو مانگا ہے
بخش دینا مجھے خدا پھر سے

کوئی امید پھر سے  جاگی ہے
جل رہا ہے بہاں دیا پھر سے

عشق ناکام پھر نہ ہو جائے
کر رہا ہوں میں انتہا  پھر سے

اپنا  قصہ تمام ہونا ہے
آؤ کر لیں کوئی خطا پھر سے

یہ غلط ہے ۔جو تم نے سوچا ہے
میرے بارے میں سوچنا پھر سے

پھر کہانی میں موڑ آیا ہے
کوئی کردار مر گیا پھر سے

بس اسی بات سے ہے اب خطرہ
ہو گئے لوگ با وفا پھر سے

ہو گیا ہے وہ  بانٹ کر رخصت
درد ہی درد ہر جگہ پھر سے

انعام عازمی

غزل

منا کر شوق سے مجھکو
خفا کر شوق سے مجھکو

محبت زندگی ہے تو
عطا کر شوق سے مجھکو

میں تم پہ قرض ہوں جانی
ادا کر شوق سے مجھ کو

میں تیری دسترس میں ہوں
فنا کر شوق سے مجھ کو

وہ شاید توڑ ڈالیگا
بناکر شوق سے مجھکو

لٹائے جا رہا ہے وہ
کما کر شوق سے مجھکو

وہ مجھ میں رہ رہا ہے اب
ہٹا کر شوق سے مجھ کو

مجھے ہی مانگتا ہے وہ
گنوا کر شوق سے مجھکو

طرحی غزل

اس نے جب چھوڑ دیا مجھکو سسکنے کیلئے
ہے کہانی میں یہی موڑ بچھڑنے کیلئے

تم محبت کی کوئی شمع جلاکر دیکھو
ہم تو پروانے ہیں آ جائینگے جلنے کیلئے

فرقت یار  میں  جو حال ہوا ہے اپنا
اب تو اک رات ہی کافی ہے بکھرنے کیلئے

ایسے حالات میں دشوار ہے جینا بالکل
حادثہ کوئی تو ہو پھر سے سنبھلنے کیلئے

ہم جہاں کے ہیں وہیں ہم کو چلے جانا ہے
زندگی ہم کو عطا کی گئی مرنے کیلئے

سچ بتاؤں تو مجھے ان سے بہت خطرہ ہے
وہ جو آتے ہیں مرے زخم کو بھرنے کیلئے

لرکھڑاتے ہوئے چلنا ہے یہاں کا دستور
حوصلہ چاہئیے اس شہر میں چلنے کیلئے

میں نے امید کی ہر شمع بجھا دی جاناں
دل ہی کافی ہے تری یاد میں جلنے کیلئے

زندگی نے جو مجھے زخم دیا ہے انعام
موت کافی نہیں اس زخم کو بھرنے کیلئے

غزل

میں جب بھی اپنے اندر دیکھتا ہوں
بہت ویران منظر دیکھتا ہوں

مجھے ملتے ہیں بس ٹوٹے ستارے
میں جب اپنا مقدر دیکھتا ہوں

کوئی صدیوں سے مجھ میں چیختا ہے
میں ایسے خواب اکثر دیکھتا ہوں

بسا کرتے تھے جن آنکھوں میں سپنے
میں اب ان میں سمندر دیکھتا ہوں

وہ خود کو دور کو لیتا ہے مجھ سے
اسے میں جب بھی  کو بڑھ کر دیکھتا ہوں

ہوئے سب خواب میرے ریزہ ریزہ
میں اب پہلے سے بہتر دیکھتا ہوں

یہ منظر  تھا کبھی آباد شاید
میں ان میں رنگ بھر کر دیکھتا ہوں

انعام عازمی

غزل

ہائے رے یہ کلفت افسردگی
جیسے ہر لمحہ ہو اپنا آخری

میرے ہر سو درد کی دیوار ہے
اور اس پر یورش آزردگی

میں محبت ہوں مجھے معلوم کیا
ہوش کیا ہے اور کیا ہے بے خودی

ہم تو صدیوں سے کسی زنداں میں ہیں
کہہ رہی ہے روزن خود آگہی

شورش دنیا نے پھر طعنہ دیا ٰ
ڈھونڈیے جاکر متاع زندگی

مے کش غم ہوں بتا سکتا ہوں میں
کرب کیا ہے اور کیا ہے بے بسی

ہے یہی رسم فغاں اے ہم نفس

دل اگو ٹوٹے تو کیجے شاعری

انعام عازمی

نظم

نئے زمانے کے آدمی کو
میں دیکھتا ہوں تو سوچتا ہوں
یہ نسل آدم کی نسل ہے کیا؟
اگر نہیں ہے
تو پھر یہ انسانی شکل والے
کہاں سے ہیں؟کس کی نسل ہیں یے؟
اگر یہ آدم کی نسل ہے ہیں تو
وہ ساری خصلت
جو ابن آدم میں پائی جاتی تھیں کیوں نہیں ہیں؟
نئے زمانے کے آدمی میں
وفا مروت خلوص اخلاق کچھ نہیں ہے
یہ لوگ جو خود کو ابن آدم سمجھ رہے ہیں
ذرا بتائیں
خدا نے ہم کو زمین پر کس لئے اتارا؟
ذرا بتائیں
خدا نے کیوں زندگی عطا کی؟
خدا نے کیوں اپنی رحمتوں سے ہمیں نوازا؟
یہ قتل و غارت گری یہ حیوانیت کا بازار
سود خوری شراب نوشی
کا سارا دھندا
ہمارا قائم کیا ہوا ہے
یہ آدمیت کی شان ہے کیا؟
نئے زمانے کے آدمی کو پتہ نہیں ہے
گناہ کیا ہے ثواب کیا ہے
عجیب ہے نا؟

نئے زمانے کے آدمی کو میں
میں دیکھتا ہوں تو سوچتا ہوں
یہ نسل آدم کی نسل ہے کیا؟

انعام عازمی

غزل

عمار اقبال کی زمین پر میری کوشش

دل پرستی سے عشق ہو گیا ہے
یعنی غلطی سے عشق ہو گیا ہے

جب سے دیکھا ہے اسکی آنکھوں کو
مئے پرستی سے عشق ہو گیا ہے

میں مسافر ہوں اس لئے مجھکو
راہ چلتی سے عشق ہو گیا ہے

بس یہی بات ہے اذیت کی
خود پرستی سے عشق ہو گیا ہے

سن مرے خواب والی لڑکی سن
تیرے جیسی سے عشق ہو گیا ہے

ہوں پرانے خیال کا مجھکو
ایسی ویسی سے  عشق ہو گیا ہے

بس مجھے ایک شخص کی خاطر
"ساری بستی سے عشق ہو گیا ہے"

اب کنارے کی آرزو کیسی
مجھکو کشتی سے عشق ہو گیا ہے

دیکھ کر سادگی بھکارن کی
تنگدستی سے عشق ہو گیا ہے

انعام عازمی

غزل

دل بیزار میں کچھ بھی نہیں ہے
مرے سنسار میں کچھ بھی نہیں ہے

یہ کس پاگل نے تم سے کہہ دیا ہے
نگاہ یار میں کچھ بھی نہیں ہے

سنا ہے بک گیا وہ شخص بھی کل
تو اب بازار میں کچھ بھی نہیں ہے

پھر اک بیوہ کی عصمت لٹ گئی ہے
نیا اخبار میں کچھ بھی نہیں ہے

وفا اخلاص قربانی مروت
تری سرکار میں کچھ بھی نہیں ہے

وہیں پہ سر بسجدہ ہو گئے سب
جہاں دربار میں کچھ بھی نہیں ہے

یقیناً مصلحت کوئی تو ہوگی
یہاں بیکار میں کچھ بھی نہیں ہے

انعام عازمی

غزل

اچھی باتیں کرتی ہو
بالکل میرے جیسی ہو

میں ترہت کا باشندہ
تم پٹنہ میں رہتی ہو

اپنا مزہب ایک نہیں
پر تم اچھی لگتی ہو

دنیا کا اب کیا ہوگا
تم کیوں سوچا کرتی ہو

جنس پہننا چھوڑ دیا ??
پہنو اچھی لگتی ہو

"تم تو ٹھہرو پردیسی"
ایسے گانے سنتی ہو

دنیا کتنی اچھی ہے???
کس دنیا میں رہتی ہو

ہاں میں تم سے ڈرتا ہوں
کیا تم مجھ سے ڈرتی ہو

چشمہ والی لڑکی تم
کیوں غصے میں رہتی ہو

میں اک اچھا لڑکا ہوں
مجھ سے سب کہہ سکتی ہو

گرتا تارا دیکھ کے تم
کس کو مانگا کرتی ہو??

کیا تم میری غزلوں کو
شام سویرے پڑھتی ہو

بولو کچھ تو بولو تم
کیوں شرمایا کرتی ہو

مودی اچھے نیتا ہیں??
پاگل کیا کیا بکتی ہو

میں دیوانا لڑکا ہوں
تم اک پاگل لڑکی ہو

دیکھ کے تم کو جیتا ہوں
کیا تم مجھ پہ مرتی ہو??

ہم کو تم سے مطلب ہے
عشق کی ایسی تیسی ہو

جب میں غم میں ہوتا ہوں
کیا تم سچ مچ روتی ہو

دنیا میں لاکھوں غم ہیں
کیا تم بھی غم سہتی ہو

تنہائی کے عالم میں
بولو آہیں بھرتی ہو

مجھکو شب میں نیند نہیں
تم دن میں بھی سوتی ہو

کیا تم اپنی کاپی میں
میری فوٹو رکھتی ہو

سب بیگانے رشتے ہیں
بس تم اپنی لگتی ہو

لوگ محبت کہتے ہیں
اس کو تم کیا کہتی ہو

نظم

اے خدا
تجھ سے کوئی شکایت نہیں
میری قسمت میں جو تھا
وہ سب کچھ ملا
کچھ دعائیں مری
تیرے دربار میں
رد ہوئی ہیں,مگر
مجھکو پورا یقیں ہے
کبھی نہ کبھی
ان دعاؤں کا بھی
اجر مل جائیگا
اے خدا آج تک
میری قسمت مجھے
ایک پل کی خوشی
دے نہ پائی,مگر
میں یہی سوچ کر
صبر کرتا ہوں کہ
ہر گھڑی
اپنے محبوب بندوں کو تو
آزمائش میں رکھتا ہے
تاکہ انہیں
کل قیامت کے دن
انکو جنت میں
اونچی  جگہ دے سکے
اے خدا آج تک
تیری دنیا میں میں
جی رہا ہوں مگر
زندگی کس کو کہتے ہیں
جانا نہیں
میرے معبود میری ہے اک التجا
تو مجھے
زندگی بخش دے

غزل

عجیب بات ہے یہ, میرے دھیان میں بھی نہیں
کہ میرا ذکر مری داستان میں بھی نہیں

طرح طرح کے سوالوں سے دل پریشاں ہے
گلہ تو یہ ہے کہ دل امتحان میں بھی نہیں

ہمارے بیچ ہے صدیوں کا فاصلہ لیکن
یہ بات سچ ہے کوئی درمیان میں بھی نہیں

تمام شہر میں پھیلی ہوئی ہے تاریکی
کوئی چراغ  ہمارے مکان میں بھی نہیں

وہ نام جو کبھی منسوب میرے نام سے تھا
وہ نام اب مرے وہم و گمان میں بھی نہیں

خدا کو ڈھونڈ رہا ہے تو نا خداؤں میں
ترا خدا  تو میاں آسمان میں بھی نہیں

وہ ایک شخص مصیبت میں کام آئے جو
وہ ایک شخص مرے خاندان میں بھی نہیں

انعام عازمی

غزل

گہرے  تعلقات سے کچھ فائدہ نہیں
ہم کو ہماری ذات سے کچھ فائدہ نہیں

ساری امیدیں ٹوٹ گئیں خواب مر گئے
مولیٰ مجھے حیات سے کچھ فائدہ نہیں

جو بھی ترے قریب تھے سب کوچ کر گئے
اب تیری کائنات سے کچھ فائدہ نہیں

ہے جسکا انتظار وہ آئیگا ہی نہیں
اب دن سے اور رات سے کچھ فائدہ نہیں

خود از گزشتگاں کی کہانی عجیب ہے
ان سارے واقعات سے کچھ فائدہ نہیں

میں نے کبھی نجات کی مانگی نہیں دعا
معلوم ہے نجات سے کچھ فائدہ نہیں

سب لوگ اپنے بارے میں ہیں سوچتے یہاں
یعنی کسی کی بات سے  کچھ فائدہ نہیں

انعام عازمی

غزل

کا بتائیں کہ کیسا حال ہوا
جو حقیقت تھا سب خیال ہوا

دے رہے ہیں ہمیں تسلی سب
بس یہی سوچ کر ملال ہوا

میں جو برباد کر گیا خود کو
دوسروں کیلئے مثال ہوا

قیس مارے گئے محبت میں
اور مرے ساتھ تو کمال ہوا

زندگی روز قتل کرتی رہی
موت آئی تو انتقال ہوا

تم تو تھے ہی نہیں مرے کیسے
قبر میں ببس یہی سوال ہوا

آہ ابو نہیں رہے

ابو آپ سو جائیے رات کے 12 بج چکے ہیں
بیٹا مجھے نیند نہیں آ رہی ہے آپ سو جائیں میں تھوڑی دیر میں سو جاؤنگا
اس رات ابو تھوڑے پریشان دکھ رہے تھے میں نے بارہا پریشانی کی وجہ معلوم کرنی چاہی مگر ابو نے کچھ  نہیں بتایا
رات کے ایک بجتے ہی مجھے نیند آ گئی ..
صبح جب آنکھ کھلی ایک عجیب سا شور سنائی دیا مجھے لگا سانپ نکلا ہوگا لوگ اسے مار رہے ہونگے
مگر دل کو پھر بھی سکون نہیں ملا تو میں چھت سے نیچے اتر کر یہ جاننے چلا آیا آیا آخر اتنا شور کیوں برپا ہے
وہاں کا منظر دیکھ کر میرے ہوش اڑ گے گھر کے دروازے پر سیکڑوں لوگ جمع تھے میں گھر کے اند داخل ہوا تو دیکھا امی اور کچھ لوگ مل کر ابو کے تلووں کی مالش کر رہے ہیں کچھ ڈاکٹر کو کال کر رہے تھے کچھ امبولنس بلانے کی بات کر رہے میں یہ جاننے کی کوشش کر رہا تھا آخر میرے ابو کو ہوا  کیا ہے یہ بھیڑ کیوں اکٹھا ہے میں ابو کے سامنے پہنچا ابو مجھے دیکھ کر روئے جا رہے تھے مگر کچھ بول نہیں پا رہے تھے میں بار بار سوال کر رہا تھا ابو کیا ہوا ہے آپ کو بتائیے نا? ایسے نا امید ہوکر کیوں دیکھ رہے ہیں مجھے? مگر میرے سوالوں کل جواب دینے والا کوئی نہ تھا
مجھے احساس ہو گیا کہ ابو پہ پھر سے پارا لائسس کا اٹیک ہوا ہے
تھوڑی دیر میں امبولنس آئی ہم ابو کو لیکر پٹنہ کیلئے روانہ ہوئے راستے بھر ﷲ سے میں ایک ہی دعا مانگتا یا ﷲ میرے ابو  کا سایا میرے سر پہ سلامت رکھنا
گاڑی ابھی حاجی پور ہی پہنچی تھی کہ ابو کی سانس تھم گئی ایک کلنک پر لوگوں نے گاڑی روک کر ڈاکٹر  سے ابو کا جائزہ لینے کو کہا ڈاکٹر نے ابو کو چیک کرنے کے بعد اپنے کیبن میں خالو ابو کو بلا کر کیا کہا مجھے نہیں معلوم جب وہ باہر نکلے انکی آنکھوں سے آنسو رکنے کا نام نہیں لے رہے تھے اور میں بارہا یہی سوال کرتا رہا ڈاکٹر نے کیا کہا ? دیکھیے یہ اچھا ڈاکٹر نہیں ہے اسکی باتوں پہ مت آئیے آپ ابو کو لیکر پٹنہ چلیے نا?  میرے سوال پر ہر کوئی مجھے گلے لگا کر رونے لگتا اور میں چیخ چیخ کر کہتا رہا  مجھے ہمدردی کی ضرورت نہیں ہے مجھے ابو کی ضرورت ہے
سب لوگ پھر سے گاڑی میں بیٹھے مجھے تھوڑا سکون ملا میں اپنے ابو کو اچھے ڈاکٹر سے دکھاؤنگا یہ جھوٹے لوگ لوگ ہیں انکی باتوں میں نہیں آنا مجھے  مگر گاڑی واپس موڑ دی گئی

یہ کیا کر رہے ہیں آپ ?  میں نے کہا نا پٹنہ چلنا ہے وہاں اچھے ڈاکٹر ہیں میں جانتا ہوں

خالو ابو میرے سر پر ہاتھ رکھکر بول پڑے بیٹا ابو نہیں رہے

کیا?

ذہن میں طرح طرح کے سوال پیدا ہونے لگے کبھی میں امی کی طرف دیکھتا جو شروع سے لیکر ابتک خاموش تھیں کبھی ابو کی طرف
سوچ رہا تھا گھر جاکر اپنے چھوٹے بھائی کے سوال کیا جواب دونگا جو محض 7سال کا ہے حامدی کو کیسے بتاؤنگا کہ بھائی ہم یتیم ہوگئے آپی کو کیسے سمجھاؤنگا کہ ہمارے ابو اب نہیں ہیں رہے
ہم سیوان پہنچے جہاں 20 سال سے ابو ایک مدرسے میں شیخ الحدیث تھے اور 20 سال سے مسجد میں امامت کے فرائض انجام دے رہے تھے
لوگوں نے کہا ہماری خواہش ہے ہم غسل دیکر جنازے کی نماز ادا کر لیں جمعہ سے پہلے ابو کو غسل دیا گیا اور جمعہ کے نماز کے بعد نماز جنازہ پڑھنے کیلئے لوگ اکٹھا ہونے لگے بھیڑ کو دیکھ کر ہر جگہ چھوٹی نظر آ رہی تھی آخر میں مدارپور کالج کے فیلڈ میں جسے عام طور نیتاؤں کی ریلیوں کیلئے  استعمال کیا جاتا ہے پہلی بار نمازے جنازہ ادا کی گئی جس میں دس ہزار سے زیادہ لوگ شامل تھے
پھر ابو کو لیکر ہم اپنے آبائی وطن پوکھریرا آ گئے یہاں میرے منجھلے بھائی حامدی کے علی گڑھ سے آ جانے پر دوبارہ نمازے جنازہ ادا کی گئ اور سنیچر کے دن نماز عصر کے بعد ابو دفن کئے گئے
ﷲ انہیں جنت میں اعلیٰ سے اعلیٰ مقام عطا فرمائے- آمین

کبھی کبھی تو ایسا لگتا ہوں جیسے میں ایک خواب دیکھ رہا ہوں ایک خوفناک خواب کبھی تو صبح ہوگی کبھی تو کوئی آئیگا مجھے جگانے

مگر نہیں

مجھے اپنی پوری زندگی اسی خوفناک خواب جو ایک حقیقت ہے کہ سائے تلے گزارنی ہوگی

اب تو ہر رات سوتے وقت ایسا گمان ہوتا ہے کہ اب صبح نہیں ہوگی.ابو کے جانے کے بعد جو خلا میرے اند پیدا ہوئی ہے اسکا پر ہونا نا ممکن ہے

میرے اندر اداسی گھر کر چکی ہے میں زندگی سے مایوس ہو چکا ہوں

بس سانس لینے کا نام اگر زندگی ہے تو میں زندہ ہوں ورنہ......

انسان کی زندگی میں نشیب و فراز آتے رہتے ہیں مگر قیامت بس ایک بار آتی ہے اور ہر چیز فنا ہو جاتی ہے تمام خواب آنکھوں میں دفن ہو جاتے ہیں حسرتیں سینے میں دم توڑ دیتی ہیں
انسان کا وجود جل کر راکھ ہو جاتا ہے اور پھر غم کی ایک ایسی بارش ہوتی ہے کہ صفحہ ہستی نام و نشان مٹ جاتا ہے

اور میں مٹ چکا ہوں

غزل

درد ہوتا ہے اس قدر مجھ میں
کوئی روتا ہے رات بھر مجھ میں

میں تو ویران ہو گیا لیکن
اب بھی آباد ہے نگر مجھ میں

خوف آتا ہے آئینے سے بھی
یوں سمایا ہے ایک ڈر مجھ میں

سب کو جسکی تلاش ہے وہ شخص
پھر رہا ہے ادھر ادھر مجھ میں

خواہشیں چیخنے لگیں ساری
کوئی ایسے گیا بکھر مجھ میں

بن رہے ہیں سبھی مرے ہمدرد
کون آنے لگا نظر مجھ میں

یوں مجھے ٹھیس لگ گئی خود سے
ہو گئے لوگ دربدر مجھ میں

انعام

غزل

پیار اور محبت کے واقعات کے اندر
کچھ نہیں رکھا صاحب التفات کے اندر

آرہی ہے مجھ میں اک چیخ کی صدا کب سے
کون آکے بیٹھا ہے میری ذات کے اندر

میں جو ہوں نہیں ہوں میں جو نہیں ہوں وہ ہوں میں
بات ہے چھپی کتنی ایک بات کے اندر

ختم ہو گئی ہر شے بس نشان باقی ہے
کچھ نہیں بچا یعنی کائنات کے اندر

کیا بتاؤں میں کیسی بے بسی ہے اب لوگوں
اک صدی گزرتی ہے ایک رات کے اندر

غزل

ﺻﺮﻑ ﮐﮩﻨﮯ ﮐﻮ ﮨﻢ ﯾﮩﺎﮞ ﮐﮯ ﮨﯿﮟ
ﻭﺭﻧﮧ ﮨﻢ ﻟﻮﮒ ﻻﻣﮑﺎﮞ ﮐﮯ ﮨﯿﮟ
ﺍﺱ ﺻﺪﯼ ﻣﯿﮟ ﮨﻮﺋﮯ ﮨﯿﮟ ﮨﻢ ﭘﯿﺪﺍ
ﭘﺮ ﯾﮧ ﺳﭻ ﮨﮯ ﮔﺰﺷﺘﮕﺎﮞ ﮐﮯ ﮨﯿﮟ
ﺑﺎﺕ ﯾﮧ ﮨﮯ ﺑﮍﯼ ﺍﺫﯾﺖ ﮐﯽ
ﮨﻢ ﺑﮭﯽ ﺩﻭﺭ ﺍﺱ ﺟﮩﺎﮞ ﮐﮯ ﮨﯿﮟ
ﺁﭖ ﻧﮯ ﮨﻢ ﺳﮯ ﭘﮭﺮ ﭘﺘﮧ ﭘﻮﭼﮭﺎ
کیا ﺑﺘﺎﺋﯿﮟ ﮐﮧ ﮨﻢ ﮐﮩﺎﮞ ﮐﮯ ﮨﯿﮟ
ﮨﻢ ﺯﻣﯿﮟ ﭘﺮ ﮨﯿﮟ ﮐﭽﮫ ﺩﻧﻮﮞ ﮐﯿﻠﺌﮯ
ﯾﻌﻨﯽ ﮨﻢ ﻟﻮﮒ ﺁﺳﻤﺎﮞ ﮐﮯ ﮨﯿﮟ
ﺁﭖ ﻧﮯ ﺁﺝ ﺗﮏ ﻧﮩﯿﮟ ﺳﻤﺠﮭﺎ
ﮨﻢ ﺗﻮ ﺍﮎ ﻭﮨﻢ ﮨﯿﮟ ﮔﻤﺎﮞ ﮐﮯ ﮨﯿﮟ
ﮨﻢ ﮐﺒﮭﯽ ﺧﺘﻢ ﮨﻮ ﻧﮩﯿﮟ ﺳﮑﺘﮯ
ﮨﻢ ﻣﯿﺎﮞ ﻋﮩﺪ ﺑﯿﮑﺮﺍﮞ ﮐﮯ ﮨﯿﮟ

آزادی نظم

ﺁﺅ ﻣﻞ ﮐﺮ ﺷﻮﺭ ﮐﺮﯾﮟ
ﺁﺯﺍﺩﯼ ﮨﮯ
ﺁﺯﺍﺩﯼ ﮐﺎ ﻣﻄﻠﺐ ﮐﯿﺎ ﮨﮯ ??
ﺁﺯﺍﺩﯼ ﮐﺎ ﻣﻄﻠﺐ ﯾﮧ ﮨﮯ
ﻋﻮﺭﺕ ﮐﯽ ﻋﺼﻤﺖ ﻟﻮﭨﻮ
ﺑﮩﻨﻮﮞ ﮐﻮ ﻧﻨﮕﺎ ﮐﺮ ﺩﻭ
ﺭﯾﭗ ﮐﺮﻭ
ﺁﺯﺍﺩﯼ ﮨﮯ
ﻧﻨﮭﮯ ﻣﻨﮯ ﺑﭽﮯ ﺟﻦ ﮐﮯ
ﮔﮭﺮ ﻣﯿﮟ ﻏﺮﺑﺖ ﮐﺎ ﺳﺎﯾﮧ ﮨﮯ
ﺍﻥ ﮐﻮ ﮨﻮﭨﻞ ﻣﯿﮟ ﺭﮐﮭﻮ
ﺍﻥ ﺳﮯ ﺑﻮﻟﻮ ﮐﺎﻡ ﮐﺮﻭ
ﺍﻥ ﺳﮯ ﺍﻧﮑﺎ ﺑﭽﭙﻦ ﭼﮭﯿﻨﻮ ﺁﺯﺍﺩﯼ ﮨﮯ
ﻣﺠﺒﻮﺭﻭﮞ ﭘﮧ ﻇﻠﻢ ﮐﺮﻭ
ﻣﻔﻠﺲ ﮐﺎ ﻟﻘﻤﮧ ﭼﮭﯿﻨﻮ
ﻻﭼﺎﺭﻭﮞ ﮐﺎ ﺣﻖ ﻟﮯ ﻟﻮ
ﺁﺯﺍﺩﯼ ﮨﮯ
ﺍﻧﺴﺎﻧﻮﮞ ﮐﺎ ﻗﺘﻞ ﮐﺮﻭ
ﻣﺬﮨﺐ ﮐﻮ ﺑﺪﻧﺎﻡ ﮐﺮﻭ
ﻣﺴﺠﺪ ﻣﯿﮟ ﺳﻮٌﺭ ﺭﮐﮫ ﺩﻭ
ﻣﻨﺪﺭ ﻣﯿﮟ ﮔﻮ ﻣﺎﻧﺲ ﺭﮐﮭﻮ
ﺁﺯﺍﺩﯼ ﮨﮯ
ﺍﯾﺴﮯ ﺍﯾﺴﮯ ﮐﭙﺮﮮ ﭘﮩﻨﻮ
ﺟﻨﺴﮯ ﺟﺴﻢ ﮐﺎ ﭘﺮﺩﮦ ﻧﮧ ﮨﻮ
ﺑﻮﺳﯿﺪﮦ ﺍﻭﺭ ﺁﻭﭦ ﺁﻑ ﻓﯿﺸﻦ
ﻟﻮﮒ ﺍﮔﺮ ﮐﭽﮫ ﺑﻮﻝ ﺭﮨﮯ ﮨﯿﮟ
ﺗﻮ ﺍﻥ ﮐﻮ ﭘﺎﮔﻞ ﺳﻤﺠﮭﻮ
ﺁﺯﺍﺩﯼ ﮨﮯ
ﺗﮭﺎﻧﮯ ﺩﺍﺭ ﮐﻮ ﺭﺷﻮﺕ ﺩﻭ
ﻧﯿﺘﺎﺅﮞ ﮐﺎ ﭘﯿﭧ ﺑﮭﺮﻭ
ﺟﺲ ﮐﻮ ﭼﺎﮨﻮ ﮔﺎﻟﯽ ﺩﻭ
ﺟﺲ ﮐﻮ ﭼﺎﮨﻮ ﻗﺘﻞ ﮐﺮﻭ
ﺍﭘﻨﺎ ﻭﻗﺖ ﺍﮔﺮ ﺁﺋﮯ
ﺑﮯ ﺷﺮﻣﯽ ﺳﮯ ﭘﮭﺮ ﺑﻮﻟﻮ
ﯾﮩﺎﮞ ﮐﻮﺋﯽ ﻗﺎﻧﻮﻥ ﻧﮩﯿﮟ ﮨﮯ
ﺁﺯﺍﺩﯼ ﮨﮯ
ﯾﻌﻨﯽ
ﺁﺯﺍﺩﯼ ﮐﺎ ﻣﻄﻠﺐ ﯾﮧ ﮨﮯ
ﺟﻮ ﺑﮭﯽ ﭼﺎﮨﻮ ﮐﺮ ﺳﮑﺘﮯ ﮨﻮ
ﺟﯿﺴﮯ ﭼﺎﮨﻮ ﮐﺮ ﺳﮑﺘﮯ ﮨﻮ
ﺟﻮ ﺑﮭﯽ ﭼﺎﮨﻮ ------!!
ﺟﯿﺴﮯ ﭼﺎﮨﻮ ........
ﺁﺯﺍﺩﯼ ﮨﮯ
ﺍﻭﺭ ﭘﮭﺮ " ﺟﺸﻦِ ﺁﺯﺍﺩﯼ " ﮬَﮯ
( انعام عازمی)

غزل

یہ نہ پوچھو کہاں کہاں تم ہو
دیرو کعبہ کے درمیاں تم ہو
اپنے اندر بھی میں نہیں اب تو
میرے اندر بھی مہرباں تم ہو
وہ کہانی جو نا مکمل ہے
اس کے ہر لفظ سے بیاں تم ہو
لوگ کہتے ہیں میں تمہارا ہوں
کیا مری ذات سے عیاں تم ہو
تم مرے ساتھ تو نہیں لیکن
ہم سفر تم ہو رازداں تم ہو
میں ستارہ ہوں تیری جھرمٹ کا
اے مری جان کہکشاں تم ہو
تم ہو تخلیق میریے خوابوں کی
سچ کہوں وہم ہو گماں تم ہو
انعام عازمی

نظم

ﺁﺝ ﮐﻞ ہر گھڑی
ﺳﻮچتا ﮨﻮﮞ ﯾﮩﯽ
" ﺳﻮچنا ﭼﺎﮨﯿﺌﮯ "
ﺟﺐ ﮐﻮﺋﯽ ﺷﺨﺺ
ﺍﭘﻨﺎ ﻃﻠﺒﮕﺎﺭ ﮨﻮ
ﺟﺐ ﮐﺴﯽ ﮐﻮ ﺿﺮﻭﺭﺕ ﮨﻮ
ﺍﭘﻨﯽ ﺗﻮ ﭘﮭﺮ
ﮨﺎﺗﮫ ﺍﭘﻨﺎ ﺑﮉﮬﺎﻧﮯ ﺳﮯ
ﭘﮩﻠﮯ ﮨﻤﯿﮟ
ﺑﺎﺭﮨﺎ ﻧﮧ ﺳﮩﯽ
ﮐﻢ ﺳﮯ ﮐﻢ ﺍﯾﮏ ﺑﺎﺭ
ﺳﻮچنا ﭼﺎﮨﯿﺌﮯ
ﺟﺐ ﮐﺒﮭﯽ
ﯾﮏ ﺑﯿﮏ ﻟﻮﮒ ﺳﺐ
ﮨﻢ ﮐﻮ ﺍﭼﮭﺎ ﺑﺘﺎﻧﮯ ﻟﮕﯿﮟ
ﺑﮯ ﻭﺟﮧ ﺩﺭﻣﯿﺎﮞ
ﮐﻮﺋﯽ ﺭﺷﺘﮯ ﮐﯽ ﺑﻨﯿﺎﺩ
ﻗﺎﺋﻢ ﮐﺮﯾﮟ
ﺗﻮ ﮨﻤﯿﮟ
ﺟﺎﻧﻨﺎ ﭼﺎﮨﯿﺌﮯ
ﻣﺼﻠﺤﺖ ﺗﻮ ﻧﮩﯿﮟ
ﮨﮯ ﺍﮔﺮ ﻣﺼﻠﺤﺖ
ﮐﺲ ﻃﺮﺡﭘﯿﺶ ﺁﻧﺎ ﮨﮯ
ﺍﻥ ﺳﮯ ﮨﻤﯿﮟ
ﺳﻮچنا ﭼﺎﮨﯿﺌﮯ
ﺟﺐ ﮐﺒﮭﯽ ﺯﻧﺪﮔﯽ
ﻣﺸﮑﻠﻮﮞ ﻣﯿﮟ ﮔﮭﺮﯼ ﮨﻮ
ﮨﻤﯿﮟ
ﯾﮧ ﺳﮩﯽ ﮨﮯ ﺩﻋﺎ
ﻣﺎﻧﮕﻨﯽ ﭼﺎﮨﯿﺌﮯ
ﭘﺮ ﮨﻤﯿﮟ
ﺍﭘﻨﮯ ﺍﻋﻤﺎﻝ ﭘﺮ
ﺍﮎ ﻧﻈﺮ
ﺩﯾﮑﮭﻨﯽ ﭼﺎﮨﯿﺌﮯ
ﮐﯿﺎ ﮨﻤﺎﺭﯼ ﺩﻋﺎ
ﺑﺎﺭﮔﺎﮦ ﺍﻟٰﮩﯽ ﻣﯿﯽ
ﺟﺎﺋﮯﮔﯽ ﺑﮭﯽ
ﻣﺎﻥ ﻟﻮ
ﮔﺮ ﭘﮩﻨﭻ ﺑﮭﯽ ﮔﺌﯽ
ﺗﻮ ﮨﻤﺎﺭﯼ ﺩﻋﺎ
ﺷﺮﻑ ﻣﻘﺒﻮﻟﯿﺖ ﮐﯽ ﺳﻨﺪ
ﻟﮯ ﮐﮯ ﻟﻮﭨﮯ ﮔﯽ ﺑﮭﯽ
ﺳﻮچنا ﭼﺎﮨﯿﺌﮯ
ﺍﻟﻐﺮﺽ
ﮨﺮ ﺟﮕﮧ
ﮨﺮ ﮔﮭﮍﯼ
ﮨﺮ ﻧﺌﮯ ﮐﺎﻡ ﻣﯿﮟ
ﮨﺮ ﻧﺌﮯ ﻣﻮﮌ ﭘﮧ
ﺳﻮچنا ﭼﺎﮨﯿﺌﮯ
ﺳﻮچنے ﺳﮯ ﺯﯾﺎﮞ
ﮐﭽﮫ ﺑﮭﯽ ﮨﻮﺗﺎ ﻧﮩﯿﮟ
ﺍﺱ ﻟﺌﮯ
ﺳﻮچنا ﭼﺎﮨﯿﺌﮯ
ﺳﻮچنا ﭼﺎﮨﯿﺌﮯ

انعام عازمی

abbu

Abbu ki yaaad mein

Kya bataein ke kya hua abbu
ho gaya khatm maajra abbu

Aap ab laut kar na aayenge
log kahte hain baraha abbu

Kyun tasawwur karoon ke jina hai
mujhko ab aapke bina abbu

Ammi,babu aur hamdi ki ab
yaad aati nahi hai kya abbbu?

Mujhko jo bhi hai apni zaat se hai
aap se kuchh nahi  gila abbu

Kaise guzregi zindagi meri
Har ghari main hoon sochta abbu

Log mujhko yateem bolenge
Aisa ab waqt hai mera abbu

Ho gayee khatm ab meri duniya
yani kuchh bhi nahi bacha abbu

Kaun bolega ab hamein "beta"
kaun dega hamein dua abbu

Dil dukhaya thha aapka maine
ya hui thhi koi khata abbu

ek bas aapke na hone se
aa gaya kaisa marhala abbu

Kya mere mas'ale ka hal hoga
mujhko kuchh bhi nahi pata abbu

Kal bhi allah rizq deta thha
ab bhi hai woh hi aasra abbu

Jis tarah aap ho gaye rukhsat
aise jata hai koi kya abbu

inaam

غزل

کس طرح ﺑﺘﺎﺅﮞ میں ﮐﯿﺴﮯ ﮐﯿﺎ ﮨﻮﺍ ﺻﺎﺣﺐ
ﮐﻮﺋﯽ ﭼﮭﯿﻦ ﮐﺮ ﻣﺠﮭﮑﻮ ﻣﺠﮫ ﺳﮯ ﻟﮯ ﮔﯿﺎ ﺻﺎﺣﺐ

ﺯﻧﺪﮔﯽ ﮐﯽ ﺣﺎﺟﺖ ﮨﮯ ﺍﻭﺭ ﻧﮧ ﻣﻮﺕ ﮐﯽ ﭼﺎﮨﺖ
ﺁ ﮔﯿﺎ ﮨﮯ ﺩﯾﮑﮭﻮ ﻧﺎ ﮐﯿﺴﺎ ﻣﺮﺣﻠﮧ ﺻﺎﺣﺐ

ﻭﻗﺖ ﮐﯽ ﮨﺘﮭﯿﻠﯽ ﭘﺮ ﮨﮯ ﻟﮑﮭﺎ ﮨﻮﺍ ﺳﺐ ﮐﭽﮫ
ﺣﺎﺩﺛﮯ ﻧﮩﯿﮟ ﮨﻮﺗﮯ ﯾﻮﻧﮩﯽ ﺑﮯ ﻭﺟﮧ ﺻﺎﺣﺐ

ﯾﺎﺩ ﮐﮯ ﺟﺰﯾﺮﻭﮞ ﺳﮯ ﺍﮎ ﺻﺪﺍ ﺍﺑﮭﺮﺗﯽ ﮨﮯ
ﮐﺐ ﺳﮯ ﻣﻨﺘﻈﺮ ﮨﻮﮞ ﻣﯿﮟ ﻟﻮﭦ ﺁﺅ ﻧﺎ ﺻﺎﺣﺐ

ﺧﻮﺍﺏ ﮐﮯ ﺗﻌﺎﻗﺐ ﻣﯿﮟ ﺯﻧﺪﮔﯽ ﮔﻨﻮﺍﺅﮞ ﮐﯿﻮﮞ
ﺧﻮﺍﺏ ﺧﻮﺍﺏ ﮨﻮﺗﮯ ﮨﯿﮟ ﻣﯿﮟ ﮨﻮﮞ ﺟﺎﻧﺘﺎ ﺻﺎﺣﺐ

ﭨﻮﭦ ﮐﺮ ﮐﻮﺋﯽ ﻣﺠﮫ ﻣﯿﮟ ﺍﺱ ﻃﺮح ﺳﮯ ﺑﮑﮭﺮﺍ ﮨﮯ
ﺟﯿﺴﮯ ﭨﻮﭦ ﺟﺎﺗﺎ ﮨﮯ ﮔﺮ ﮐﮯ ﺁﺋﯿﻨﮧ ﺻﺎﺣﺐ

ﻭﮦ ﺟﻮ ﻣﺠﮫ ﻣﯿﮟ ﺯﻧﺪﮦ ﮨﮯ ﺟﺲ ﻣﯿﮟ ﻣﺮ ﭼﮑﺎ ﮨﻮﮞ ﻣﯿﮟ
ﻣﯿﺮﯼ ﺁﺭﺯﻭ ﮨﮯ ﻭﮦ ﯾﻌﻨﯽ ﻣﺪﻋﺎ ﺻﺎﺣﺐ
ﺍﻧﻌﺎﻡ