نظم

اے خدا
تجھ سے کوئی شکایت نہیں
میری قسمت میں جو تھا
وہ سب کچھ ملا
کچھ دعائیں مری
تیرے دربار میں
رد ہوئی ہیں,مگر
مجھکو پورا یقیں ہے
کبھی نہ کبھی
ان دعاؤں کا بھی
اجر مل جائیگا
اے خدا آج تک
میری قسمت مجھے
ایک پل کی خوشی
دے نہ پائی,مگر
میں یہی سوچ کر
صبر کرتا ہوں کہ
ہر گھڑی
اپنے محبوب بندوں کو تو
آزمائش میں رکھتا ہے
تاکہ انہیں
کل قیامت کے دن
انکو جنت میں
اونچی  جگہ دے سکے
اے خدا آج تک
تیری دنیا میں میں
جی رہا ہوں مگر
زندگی کس کو کہتے ہیں
جانا نہیں
میرے معبود میری ہے اک التجا
تو مجھے
زندگی بخش دے