غزل

منظر کوئی بھی دل کو لبھا کیوں نہیں رہا
تیرا خیال ذہن سے جا کیوں نہیں رہا

کب تک تو شہر خواب میں ٹھہرا رہے گا دوست
تعبیر بن کے دہر میں آ کیوں نہیں رہا

تجھ میں اگر نہیں ہوں تو پھر میں کہاں گیا
تو مجھ سے میرا حال بتا کیوں نہیں رہا

تاریکیوں نے شہر دبوچہ ہوا ہے تو
کوئی یہاں چراغ جلا کیوں نہیں رہا

رونق تمہارے دم سے اگر تھی ہر ایک سمت
تجھ سے بحال شہر وفا کیوں نہیں رہا

میں ہو کے جب نہیں ہوں تو منظر نگار تو
منظر سے میرا نقش مٹا کیوں نہیں رہا

کب تک ہمارے بیچ رہیں گی یہ دوریاں
تو آ نہیں رہا تو بلا کیوں نہیں رہا