میں تم پر نظم لکھوں گا
کہا تھا نا؟
معافی چاہتا ہوں میں
بہت چاہا
بہت سوچا
کہ تم پر نظم لکھنے کو
کوئی مصرع اٹھا لاؤں
جو تم کو اس طرح واضح کرے کہ پڑھنے والے کے تصور میں تمہارے نام کی تصویر بن جائے
مگر یہ ہو نہیں پایا
تم اتنی خوبصورت ہو
کہ سب مصرعے جو اب تک ذہن میں آئے
اگر ان کو کوئی ترتیب دے کر نظم لکھ دوں میں
تمہاری ذات کی توہین ہوگی وہ
میں تم پر نظم لکھوں گا
کہا تو تھا
مگر ممکن نہیں لگتا
تم اتنی خوبصورت ہو
معافی چاہتا ہوں میں
Wednesday, October 4, 2017
نظم
Subscribe to:
Post Comments (Atom)
No comments:
Post a Comment