مجھ کو کیا لینا دینا دوست زبر اور زیر سے
دینا باہر نکلے بس نفرت والی گھیر سے
اے لاہور کے باشندو مجھ سے ملنے آؤ نا!!
اک آواز بلاتی ہے دہلی کی منڈیر سے
دستک دینے والا شخص لوٹ گیا پیارے کب کا
تم نے گھر کا دروازہ کھولا اتنی دیر سے
غار سے نکلی روشنی پرسہ کرنے آئی جب
ہنسے گاتے جھومتے ہم نکلے اندھیر سے
نفرت کی ریکھا کھینچی ہم نے پیاری دھرتی پر
ورنہ داتا گنج کا رشتہ تھا اجمیر سے
No comments:
Post a Comment